Xarunta wasaaradda dhalinyarada iyo ciyaaraha ee xukuumadda Soomaaliya waxaa maanta kulan ku yeeshay gudi heer wasiir ah oo loo xilsaaray ka soo talo bixinta dejinta siyaasada dhalinyarada qaranka, gudigaasi oo uu gudoomiye u yahay wasiirka dhalinyarada iyo Sports ka Β Maxamed Cabdulaahi Xasan Nuux.
Kulanka ayaa wasaaradda dhalinyaradu waxaa ay Ku soo bandhigtay documentΒ muujinaya qorshaha wasaarada ee horumarinta dhalinyarada iyo dejinta siyaasada dhalinyarada.
Related posts
Wasiirada ka qayb galay kulankaas ayaa waxaa ka mid ahaaa wasiirka Awqaafta iyo Arrimaha Diinta,wasiirka Dhalinyarada iyo Ciyaaraha,wasiirka Warfaafinta,Dhaqanka iyo Dalxiiska,Wasiirka Amniga gudaha,Wasiirka Caafimaadka,wasiirka Haweenka iyo xaquuqda Aadanaha,Wasiirka Kalluumeysiga,Wasiirka Shaqada iyo Arrimaha bulshada,Wasiirka Xanaanada xoolaha iyo wasiiru dowlaha Amniga,Wasiiradaasi dhamaan waxaa ay soo bandhigeen qaabka ugu haboon ee dhalinyarada loogu hagi lahaa siyaasada hufan.
Wasiirka wasaaradda Dhalinyarada iyo Ciyaaraha mudane Maxamed Cabdulaahi Xasan Nuux ayaa sheegay in kulankan uu ahaa mid muhiim u ah dejinta siyaasadda dhalinyarada qaranka taas oo wasaaraddu ay muddoyinkan dambe ku howlaneyd.
Dhinaca kale wasiir Nuux waxaa uu kulan kula qaatay xarunta wasaarada qaar ka mid ah ururada dhalinyarada dalka oo uu kala hadlay sidii ay uga qayb qadan lahaayeen dejinta siyaasada dhalinyarada iyo sidoo kale in ay iska diiwaan galiyaan wasaaradda isla markaana ay wasaaradda ugu gacansiin lahaayeen arintaas mar kale wasiirka ayaa ka hadlay.
Ra’iisul wasaaraha xukuumadda Federaalka ah ee Soomaaliya mudane Cumar Cabdirashiid Cali Sharmaake ayaa khamiistii la soo dhaafay waxaa uu magacaabay gudi 10 wasiir ka kooban oo uu u xilsaaray in ay ka soo talo bixiyaan sameynta siyaasada dhalinyarada, dhalinta ayaana ah tirada ugu badan bulshada Soomaaliyeed in siyaasad loo sameeyo ayaana ah talaabo kale oo dhankaΒ Β wanaaggaΒ Β loo qaaday.
Sawir Qaade: Farxaan Saleebaan Daahir
