Dagaal khasaare geystay ayaa maanta waxaa uu mar kale ka dhacay magaalada Guriceel ee gobolka Galgaduud ee bartamaha Soomaaliya, dagaalka ayaa waxaa lagu soo waramayaa in hal ruux oo rayid ah uu ku dhaawacmay.
Guddoomiyaha guddigga dhex dhexaadinta dagaalka Guriceel Maxamed Axmed Caalim oo la hadlay Radio Muqdisho ayaa baaq u direy dhinacyada ku dagaalamaya magaalada Guriceel in ay xabadda joojiyaan isla markaana miiska wada hadalka isugu yimaadaan.
Guddoomiye Caalim ayaa intaa ku daray in xaaladda magaalada Guriceel hadda ay tahay mid degan isla markaana dagaalka maanta uu si lama filaan ah ku dhacay.
Maxamed Axmed Caalim guddoomiyaha gudiga loo xilsaaray dhex dhexaadinta dagaalka Guriceel ayaa dhamaan waxgaradka,siyaasiyiinta iyo ganacsatada in ay ka qeyb qaataan dadaalada nabadeynta ee halkaasi ka socda.
