Wafdiga uu hogaaminayay Gudoomiyaha Baarlamanka Galmudug Cali Gacal Casir ayaa waxaa qayb ka ahaa wasiirka amniga Cusmaan Ciise Nuur Taardhuleed, wasiir ku ixgeenkiisa, wasiirka shaqada iyo shaqaalaha, Xildhibaano ka tirsan Baarlamanka Galmudug, taliyaasha ciidamada qaarkood iyo mas’uuliyiin kale.
Wafdiga ayaa magaalada Docoley oo Cadaado dhinaca woqooyi bari kaga beegan 45-km ku soo dhaweeyay dadwaynaha deegaanka oo Rag iyo Dumarba aan u kala harin.
Related posts
Wafdiga ka socday Galmudug ayaa kulamo la qaatay waxgaradka deegaanka, sidoo kalena kormeeray dhismaha Saldhigga Booliska ,Isbitaalka deegaanka iyo xarumo kale oo bulshadu isku xilqaantay.
Axmed Macalin Cumar Jaamac oo ka mid ah Gudiga ku hawlan dhismayaashan danta guud ayaa sheegay in uu bilowday dhismaha Saldhiiga Booliska iyo xarunta maamulku ku shaqaynayo, ayna iska aruuriyeen ilaa 200-oo neef oo jar ah, si loogu kaalmeeyo hawlaha socda, waxaana uu codsaday in lagu gacansiiyo.
Taliye ku xigeenka Booliska Galmudug Cabdi Jaamac C/lle Xabeeb ayaa sheegay in Docoley laga qorayo 20-Askari oo Boolis ah tababarna lagu siindoono magaalada Cadaado, si ay deegaankooda uga hawlgalaan, waxaana uu bogaadiyay dhismaha Saldhigii ay ku shaqaynlahaayeen oo la diyaarinayo.
Gudoomiyaha Baarlamanka Galmudug Cali Gacal Casir ayaa sheegay in abaabulka ka socda deegaanka Docoley uu tusaale fiican u yahay sida wacyiga bulshadu sara ugu kacay, ka maamul ahaana ay garab taaganyihiin bulshada deegaanka.
