Gudoomiyaha Barlamaanka Koonfur Galbeed Dr, Cali Saciid Fiqi ayaa maanta Magaalada Baydhabo uga qeyb galay barnaamij lagu daahfurayay kasoo kabashada Xasaradaha Soomaaliya oo ay soo qaban qaabisey Wasaarada qorsheynta koonfur galbeed .
Shirkan ayaa waxaa sidoo kale kasoo qeyb galey Wasiirka qorshynta koonfur galbeed, qaar ka mid ah Wasiirada, Gudigga mashruuca Xasaradaha iyo Agaasimayaasha guud ee wasaradaha qarkooda.
Ugu horeyn waxaa ka hadlay shirka Cali Xaaji Aadan oo ah Gudoomiyaha mashruuca isagoona soo hadal qadey dadaalka lagu gaarey in mashruucan heerkan uu soo gaaro ,
Wasiirka wasaarada qorsheynta koonfur galbeed Ahmed Madoobe Nuurnow ayaa dhankiisa sheegey in mashruucan koonfur galbeed muhiimada uu u leeyahay isagoona soo dhaweeyey fulinta barnaamijkan.
Gudoomiyaha Barlamaanka Koonfur Galbeed Dr, Cali Saciid Fiqi ayaa dhankiisa waxaa uu aad uga hadlay saameynta abaaraha soo noqnoqdey iyo fatahaadaha taas oo uu sheegey iney muhim tahay in laga hortago , isagoona sheegay in dhibaatada ugu badan ka imaaneyso isbadelka cimilada .
