Gudoomiyaha degmada Boondheere Qaasin C/llaahi oo la hadlay Radio Muqdisho ayaa ugu baaqay shacabka ku dhaqan gobolka Banaadir iney ciidamada kala shaqeeyaan sugidda amniga gaar ahaan sidii looga hortagi lahaa kooxaha qaraxyada ka geysta goobaha ay shacabku ku badanyihiin.
Qaasin C/llaahi gudoomiyaha degmada Boondheere ayaa sheegay in kooxaha argagixisadu ay qarxinayaan goobaha ay dadka rayidka ah isugu yimaadaan, wuxuuna bulshada ku boorriyay iney ciidamada kala shaqeeyaan sidii loo xaqiijin lahaa ammaanka.
Gudoomiye Qaasin ayaa tilmaamay in qasaarihii ka dhashay qaraxii shalay ka dhacay maqaayada Blue Sky uu koobnaa, wuxuuna tilmaamay in argagixisadu ay usoo jeesteen daadinta dhiigga dadka abriyada ah ee aan waxba galabsan.
