Guddoomiyaha Degmada Heliwaa ee Gobolka Benaadir Mudane Cabdixakiin Cumar Cabdulle ayaa dhallinyarada Soomaaliyeed ugu baaqay in xal laga gaaro xabaalaha batay ee Xamar, isla markaana meel looga soo wada jeesto cadowga Ummadda Soomaaliyeed ee gumaadka ku haya shacabka.
Guddoomiye Cabdixakiin oo la hadlay Radio Muqdisho ayaa sheegay in Maamulka iyo Shacabka Degmada Heliwaa ay maanta qeyb ka ahayeen dibad baxii loogu baroor diiqayay dadkii ay waxyeelada ka soo gaartay xasuuqii 14-kii bishan ka dhacay Isgoyska Zoobe ee Magaalada Muqdisho.
Dadweyne aad u fara badan oo ka kala yimid degmooyinka Gobolka Benaadir ayay qeyb ka ahaayeen dadweynaha ku dhaqan degmada Heliwaa, kuwaasi oo soo bandhigay boorar ay ku qornaayeen hal ku dhigyo ka dhan ah Al-Shabaab.
