Gudoomiyaha degmada Raage-ceelle ee gobolka Sh/Dhexe Cumar Cali Nuur oo u waramay Radio Muqdisho ayaa faah faahin ka bixiyay howlgallo ka dhan ah kooxo burcada oo dhac iyo kufsi u geysta dadka ku safra waddada isku xirta Muqdisho iyo Raage-ceelle, kaasoo ay fuliyeen ciidamada ammaanka gobolka Sh/Dhexe.
Cumar Cali Nuur gudoomiyaha degmada Raage-ceelle ayaa sheegay in ay soo baxeen kooxo burcad ah oo waddada u gala gaadiidka safarka ah taasoo keentay in gaadiidkii uu waddada ka maagay, wuxuuna tilmaamay in uu halkaasi u daray ciidamada ammaanka ee gobolka.
Related posts
Gudoomiye Cumar Cali Nuur ayaa xusay in todobo ka mid ah burcadaasi ay ciidamadu gacanta ku soo dhigeen, islamarkiina loo gudbiyay xarunta gobolka ee Jowhar, halka howlgalkii xigay ay ciidamadu dileen sadex ka mid ah burcadda, wuxuuna xaqiijyay in ammaanka waddadaasi la xaqiijiyay gaadiidkuna ay haatan si nabada ku marayaan
Dhinaca kale gudoomiye Cumar Cali Nuur ayaa hoosta ka xariiqay in degmada Raageceelle ay jirto xaalad biyo la’aan ah, isagoo intaasi raaciyay in fuustadi biyaha ah la gado Lix Doolar, wuxuuna dalbaday gurmad deg deg ah.
Halkan hoose ka dhageyso wareysiga gudoomiye Cumar Cali Nuur
