Gudoomiyaha gobolka Banaadir ahna duqa magaalada Muqdisho Xasan Maxamed Xuseen Muungaab oo booqasho ku joogo magaalada Nairobi ee caasimada dalka Kenya ayaa maanta heshiis iskaashi ah oo dhex mara labada gobol la saxiixday gudoomiyaha gobolka Nairobi Evans Kidero.
Gudoomiyaha gobolka Banaadir ayaa waxaa booqashada uu ku joogo magaalada Nairobi ku wehliyo gudoomiye ku xigeenka gobolka Banaadir ee dhanka siyaasada,gudoomiye ku xigeenka howlaha guud iyo xubno ka tirsan maamulka gobolka.
Related posts
Gudoomiyaha gobolka Banaadir Xasan Maxamed Xuseen Muungaab oo warbaahinta la hadlay ka dib saxiixa heshiiska iskaashiga ah ayaa sheegay in labada magaalo ay kala saxiixdeen qodobo dhowr ah oo ay ka mid yihiin in ay yeelan doonaan xiriir wanaagsan,islamarkaana ay is dhaafsan doonaan khibradaha.
โWaxaan yeelanay kulamo dhowr ah waxaana ka wada hadalnay howlaha ay qabtaan dowladaha hoose ee Muqdisho iyo Nairobi,waxana markii danbe soo saarnay heshiis is afgarad ah oo ku saabsan in ay xiriir wanaagsan yeeshaan maamulka labada magaalo oo leys dhaafsado khibradahaโ Ayuu yiri gudoomiyaha gobolka Banaadir Xasan Maxamed Xuseen Muungaab.
โWaxaan isla garanay in magaalada muqdisho laga taageero dhinacyada ay ka midka yihiin maamul wanaagga,maareynta qashinka,maamulka dhulka,biyaha,korontada iyo dimoquraadiyaddaโAyuu sii raaciiyay gudoomiyaha gobolka Banaadir ahna duqa magaalada Muqdisho.
Gudoomiyaha gobolka Banaadir ayaa sidoo kale sheegay in uu gudoomiyaha gobolka Nairobi Evans Kidero u fidhiyay casuumaad ah in uu soo booqdo magaalada Muqdisho,islamarkaana uu ka aqbalay.
Sawir qaade: C/raxmaan Cumar Cabdi (Somali)
