Guddoomiyaha Gobolka banaadir ahna Duqa magaalada Muqdisho Yuusuf Xuseen Jimcaale ayaa magaaladda Istanbul ee dalka Turkiga kula kulmay madaxda xafiiska Asia iyo bariga dhexe u qaabilsan midowga Magaalooyinka adduunka iyo Dowladaha hoose ee Turkiga.
Kulanka ayaa waxaa ka qayb galay xoghaya guud ee uruka midowga Magaalooyinka aduunka Mr Mehmet duman iyo uqaabilsanaha arrimaha dibada ururka, kuwaas oo ay ka wada hadleen Guddoomiyaha Gobolka Banaadir sidii ururadaasi ay kaga qayb qaadan karaan dhismaha ka soconaya magaalada Muqdisho iyo sida Muqdishu ay xubin firfircoon uga noqon lehyd ururkan iyo iskaashiga magaalooyinka ka midka ah Ururadaas.
Shirkan oo socday in kabadan mudo saacad ah ayaa waxaa Duqa magaalada Muqdisho uu kaga sheekeeyay madaxdii iyo mas’uuliyiintii ka qayb gashay kulanka horumarada lataaban karo ee ka socda Gobolka banaadir, waxaana uu ka codsaday in ay ka qayb qaataan taaba gelinta doorashooyinka golaha deegaanka ee Muqdisho.
Mas’uuliyiinta midowaga dowladdaha ee dalka Turkiga oo qayb ka ahaa kulankan ayaa dhinacooda balan qaaday in ay diyaar u yihiin ka qayb qaadashada wax kasta oo lagu horumarinayo caasimadda Soomaaliya.
Gabagabadii kulanka ayaa waxaa looga hadlay daraasadaha ku sabsan dimoqraadiyenta dowladaha hoose, taasi oo dhamman xubnihii kulanka ka qayb galay ay isku waafaqeen xoojinteeda.
Gudomiyaha Gobolka Banadir ahna duqa magaaladda Muqdisho Yuusuf Xuseen Jimcaale ayaa dalka Turkiga u jooga xoojinta xariirka ka dhaxeeya dowladda hoose ee Muqsisho iyo dowladaha hoose ee dunida, taas oo ka qayb ka ah waddooyinka fududeenaya dib u soo celinta magacii iyo sumcadii ay lahayd Caasimadda.
