Guddoomiyaha gobolka Sh/dhexe mudane Cali Guudleewe oo ay wehliyeen qaar ka mid ah ku xigeennadiisa gudoomiyaal degmo iyo mudane ka tirsan baarlamanka Federaalka ayaa maanta xarigga ka jaray mashaariic horumarineed oo laga hiirgeliyay deegaannada Qalimow, Xawaadleey iyo magaalada Jowhar.
Gudoomiye Guudlaawe ayaa ugu horreynti degmada Jowhar ka furay laba MCH iyo hal iskuul oo magaaladaasi ay ka hirgelisay hey’ad laga leeyahay dalka Qatar.
Sidoo kale gudoomiyaha ayaa isla maanta xarigga ka jaray mashaariic kale oo isla hey’addaasi ka hirgelisay deegaannada Qalimow iyo Xawaadleey oo ka tirsan degmada Balcad ee isla gobolka Sh/dhexe.
Labadaasi deegaan ayaa laga hirgeliyay min laba MCD iyo laba Iskuul middiiba, taasoo dabooli doonta baahida aas aasiga ah ee bulshadaasi u qabaan dhinacyada caafimaadka iyo waxbarashada.
Guddoomiye Guudlaawe ayaa u mahadceliyay dowladda Qatar oo fulisay mashaariicdaasi, isagoo kula dardaarmay dadka deegaanadaasi ku nool iney ilaashadaasi agabka iyo dhismaha loogu deeqay, wuxuuna ballan qaadqay in maamulkiisu uu ku dadaali doono wax ka qabashada baahida guud ee bulshada.
