Gudoomiyaha Degmada Warsheekh ee Gobalka Shabeelaha Dhexe Mudane Cumar Maxamed Cumar ayaa Kormeer ku tagay tuulaada Ruun-Shiikoow ee hoos timaada Degmada Warshiikh.
Gudoomiyaha oo Wareysi gaar ah Siyay Radio Muqdisho ayaa Sheegey in kormeerkiisa ay ku wehlinayeen Gudoomiyihii hore ee Degmada Warshiikh Col. Axmed Xuseen Axmed (Shiidka), Iyo Masuuliyiin kale o ka tirsan maamulka Degmadda Warshiikh.
Soo dhaweyn ka dib gudoomiyaha ayaa kulan la qaatay Hogaanka Bulshada Tuulada Ruun-Shiikhoow, waxaa uuna ka dhageystay warbixino ku saabsan xaaladaha kala duwan ee ka jira Tuulada iyo Deegaanada ku dhaw.
Intaa ka dib Gudoomiye Cumar oo hadalka qaatay ayaa waxaa uu u sheegay Bulashada in looga baahanyahay in la shaqeeyaan maamulkooda si loo gaaro horomar ballaaran oo dhan walba ah, waxaana leysla qaatay in si wada jir ah looga shaqeeyo Nabad galyada iyo horomarinta Tuulada Ruun-shiikhoow iyo tan guud ee Degmada Warshiikh.
