Gudoomiye ku xigeeenka labaad ee Baarlamaanka Federaalka Soomaaliya Mudane Mahad Cabdalle Cawad oo howlo shaqo u tagay dalka Jarmalka ayaa maanta waxaa si diiran loogu soo dhaweeyay garoonka diyaaradaha Aadan Cadde ee magaalada Muqdisho markii uu dalka ku soo laabtay isagoo gudoomiyuhu ka warbixiyay Shaqooyinka uu u tagay dalka Jarmalka.
Mudane Cawad ayaa waxaa uu ka hadlay aqoon kororsiga ay mudanayaasha Baarlamaanka Soomaaliya u aadeeen Wadamada caalamka qaar ka mid ah gudiyada Baarlamanaka ayuu sheegay gudoomiyuhu in ay Xildhibaanadu diyaarinayaan sharciyo la doonayo in ay wax ka badalaan howlaha shaqo ee Kalfadhiga Lixaad.
Related posts
Mudane Mahad Cabdalle Cawad ayaa waxaa uu ka hadlay dhanka kale safarada mudanayaasha Baarlamanaku ay ku gaareen qaar ka mid ah gobolada dalka iyo isaga qudhisa booqashadii uu ku tagay degmooyinka Garoowe iyo Jariiban oo ka tirsan gobolada Nugaal iyo Mudug waxaana uu xusay in ay qayb ka tahay u kuurgalis xaalada dadka deegaanadaas kulanka Baarlamaankana ay horgeyn doonaan waxyaabihii ay la soo kulmeen.
Gudoonka Golaha shacabka ayaa mudanayaasha ugu baaqay markii uu soo xirmay Kalfadhigii Shanaad in gobolada la tago oo laga soo warbixiyo xaalada dadku ku noolyihiin 12 ka Abriil ayaana loo madlan yahay in uu furmo kalfadhiga 6 aad ee golaha Shacabka.
