Gudoomiyaha gobolka Banaadir ahna duqa magaalada Muqdisho Xasan Maxamed Xuseen “Muungaab” ayaa xalay ka qeybgalay munaasabad lagu soo bandhigay waxqabadka maamulka degmada Shibis ee gobolka Banaadir.
Munaasabadda oo lagu qabtay xarunta degmada Shibis ayaa lagu soo bandhigay muuqaallo ka tarjumaya waxqabadka maamulkaasi ee sanadkii tegay.
Guddoomiyaha degmada Shibis C/fitaax Nuur Cali oo ka hadlay munaasabadda ayaa ka waramay wax qabadka maamulkiisa ee sanadki tegay, isagoo xusay in sanadkii la soo dhaafay ay u qabsoomeen waxyaabo badan oo muhiim u ahaa bulshada degmada.
“Muungaab” oo gebagebadii munaasabadda ka hadlay ayaa sheegay in maamulkiisu uu xarumo badan oo waxtar u leh bulshada, ka hirgeliyay degmooyinka gobolka Banaadir, kaasoo sida uu sheegay lagu dhisay mashruuca dhiso dalkaaga oo uu ku baaqay madaxweyne Xasan Sheekh Maxamuud.
Wuxuu ku amaanay maamulka iyo bulshada degmada Shibis sida ay isugu duubanyihiin, islamarkaana ay isaga kaashadaan ammaanka iyo horumarka degmada Shibis.
