Madaxa Xafiiska Siyaasadda dhaqdhaqaaqa wax iska caabbinta ee Xamaas Ismaaciil Haniya, ayaa ugu horeyn sheegay in Hawlgalka Duufaanta Al-Aqsa uu yimid ka dib markii la isku dayay in la xaqiro qadiyadda Falastiin.
Khudbad uu Ismaaciil Haniya ka jeediyay shirweynaha culimada islaamka ayuu ka sheegay in markan loo baahanyahay doorkii Ummadda Islaamka eay kaga baahnayeen dadka reer Falastiin.
“ Dalalka ugu waaweeyn dunidu waxay Hub iyo Dhaqaale ku tageraan Gumaysiga, waxaa la joogaa waqtigii dalalka Islaamka ay si aan hagar laheen u tageeri lahayeen Ururada wax iska caabbinta Falastiin, sababtoo ah kani waa dagaal lagu xoreynaayo Al-Aqsa, mana aha dagaalka dadka reer Falastiin kaliya u gaar ah”. Ayuu yiri Ismaaciil Haniya.
Madaxa xafiiska siyaasadda Ururka Xamaas ayaa intaa ku daray in ciidanka Gumeysa ee Isra’iil ay ku guul-darreysteen qorshahoodi, kadib ku dhawaad 100 maalmood oo ay gudaha Qaza ka wadaan duqeymo iyo dagaallo aan kala joogsi laheen.
