Guddoomiyaha Ururka Haweenka Gobolka Banaadir Jawaahir Baarqab ayaa sheegtay in Haweenka Gobolka Banaadir ay Hiigsanayaan mustaqbalka dhow inay Qayb ka noqdaan Siyaasadda Dalka Isbadalka dhici doona sanadka 2016’ka.
Hawenka ayey sheegtay inay hiigsanayan sidoo kale ka shaqaynta Amniga iyo Horumarka Caaasimadda dalka, la shaqaynta haya’daha Amniga iyo Tayanta Aqoonta Gabdhaha Soomaaliyeed.
Guddoomiye Jawaahir ayaa Aad u Ammaantay tayada Haweenka Gobolka Banaadir oo ay sheegtay in kaalin Muuqata ay uga jiraan Horumarka Dhanka Siyaasadda dalka sida, dhaqaalaha , waxbarashada , Caafimaadka iyo Ilaalinta Nadafadda, iyadoo ugu baaqday in ay taageeraan Ciidamada Qaranka oo waqti walba u taagan ka hortagga falalka Argagixisada.
