Ciidamo ka tirsan kuwa booliiska Galmudug iyo kuwa nabad sugida soomaaliyeed ee Nisa ayaa howlga;lo looga gol lahaa xaqiijinta amaanka magaalada Galkacyo ee xarunta gobalka mudug maanta wax ay maanta si wadajir ah uga sameeyay qeybo ka mida ah magaalada
Howlgaladaan ayaa intii ay socdeen waxaa ciidamo ay baaritaano ku sameeynayeen gadiidka dadweynaha ee ka dhax shaqeeya gudaha magaalada galkacyo iyo kuwa gaarka loo leeyahay
Mas’uuliyiinta gobalka Mudug iyo kuwa dagmada Galkacyo oo ay wehliyeen saraakiisha ciidanka nabad galyada ayaana si wadajir ah ula hadlay warfidiyeennada ayagaoona sharaxaad ka bixiyay howlgalkaan iyo waxa uu ku salka ku hayo.
Duqa dagmada Galkacyo ee Dowlada Galmudug Mudane Bile Diini Cali ayaa sheegay in Ciidanka booliiska iyo kuwa nabad sugidda ay maanta bilaabeen howlgal balaaran oo lagu sugayo ammaanka magaalada Gaalkacyo “waxaa go’ aanku yahay howlgalkii awal socon jiray mid ka baaxadweyn inaan sameeyno ka degmo ahaana waxaan
digniin udirayaa dadka gawaaridooda xiliyada habeenkiiya waddada hareeraheeda dhiganaya waxaana mar kowwad iyo marlabaadba digniin udiraynaa qofkii lagu arko in laga wareegayo gaarigiisa” ayuu yiri duqa degmada Gaalkacyo.
Taliyaha qeybta booliiska gobalka Mudug ee dowlad gobaleedka Galmudug G/sare Maxamed Nuur Cali Gadaar oo isna goobta ka hadlay ayaa digniin u diray cid walba oo isku dayda in ay khal khal galiso amaanka magaalada Galkacyo hadeey ahaan lahaayeen kooxda ururka gumaadka soomaaliyeed ee UGUS iyo cid kalaba.
“Maalmahaan waxaa soo ifbaxayay dad doonaya in magaaladaan ay ka abuuraan khal khal siyaasadeed waxaan leenahay idinka gamban meyno indhahana aanan ka qarsaneyn halkaana looma ogala maadaam uu ka jiro
maamul dowladeed cid khal khal ka abuuri kartana waxaan filayaa ineeysan dhalan cidii dhalatana jawaabteeda ayeey naga heli doontaa waxaan uga digayaa kuwa nabad diidkaa ee UGUS iyo kuwa wada khal khalka siyaasadeed ee galmudug lagu carqaladeynayo” ayuu yiri taliyaha qeybta booliiska Gaalkacyo.
Gudoomiyaha Gobalka Mudug ee Dowlada Galmudug Mudane Aweeys Cali Saciid ayaa ugu baaqay waxgaradka ganacsatada iyo qeybaha kala duwan ee bulshada Galkacyo ineey la shaqeeyaan ciidamada Amaanka si loo adkeeyo ammaanka guud ee deegaanada Galmudug.
Sawir Qaadistii Wariye C/risaaq Maxamed Axmed Galkacyo
