Hawl gallo ballaaran oo lagu xaqiijinaya Ammaanka guud ee Gobolka Banaadir, ayaa Saakayto ka billoowday qaybo ka mid Magaalada Muqdisho.
Ciidamada Ammaanka ee Dowlada Soomaaliya, ayaa baaritaanno lagu xaqiijinayo nabad gelyada waxa ay ka wadaan Suuqa Bakaaraha iyo Xaafado ka mid ah Degmada Hawl wadaag.
Waxaa si ku meel gaar ah loo hakiyay dhaqdhaqaaqyadii Suuqa iyo waddooyinka gala, waxaanay Laamaha Ammaanka ku soo qabqabteen hawlgalkaasi Dad u badan Dahllinyaro, kuwaasoo lagu samayn doono baaritaanno ku aaddan faldembiyeed.
Ma jirto wax war ah oo kasoo baxay Saraakiisha Ciidamada ee ku aaddan hawlgalkan, iyagoo Saxaafadda u sheegay inay warbaahinta la hadli doonaan marka ay hawlahan soo gabagabeeyaan.
