Hay’adda Somali Relief Network of North America oo loo soo gaabiyo (SRNN) ayaa afurin u sameeyay degmada Afgooye ee gobolka Shabeelaha Hoose, halkaasi oo ay ka faa’iideysteen boqolaal qoys oo ka mid ah bulshada ku nool degmaasi.
Qaar ka mid ah dadkii ka faa’iideystay deeqda afurinta ah ee ay hay’adad SRNN gaarsiiyay bulshada ku nool degmada Afgooye ayaa waxa ay uga mahadceliyeen Madaxa hay’adaasi Aadam Maxamed Ciise oo ay ku tilmaameen in uu yahay shaqsi mar waliba garab taagan dadka tabaaleysan ee ku nool qaar ka mid gobollada dalka, iyagoo xusay in kaalmadaasi ay ku soo beegantay xilli loo baahnaa
Ibraahim Cusmaan Cabdalla oo ah wakiilka Hay’adda ee Soomaaliya oo la hadlay Warbaahinta ayaa sheegay in ay sii wadayaan afurinta ay gaarsiinayaan dadka tabaaleysan inta lagu guda jiro bisha barakeysan ee Ramadaan, waxaana uu xusay in kaalmo kuwan la mid ah ay gaarsiin doonaan shacabka ku nool deegaannada gobolka Shabeellaha Hoose.
Hay’adda Somali Relief Network of North America oo loo soo gaabiyo (SRNN) ayaa ka mid ah hay’adaha u taagan wax u qabashada bulshada Soomaaliyeed, iyadoo kaalmooyin kuwa la mid ah horey u gaarsiisay qoysas tabaaleysan oo ku nool goolka Shabeelaha Hoose.
