Hay’adda Nabad sugidda iyo Sirdoonka Qaranka Somalia ayaa maanta Muqdisho ku soo bandhigtay horjoogihii Al-Shabaab u qaabilsanaa dilalka suxufiyiinta oo lagu magacaabo Xasan Xanafi Xaaji Maxamuud .
Xasan Xanafi waxaa laga soo qabtay Dalka Xaduudka ay Wadaagaan Dalalka Somalia iyo Kenya Xili uu Dhuumaaleysi ku jiray , iyadoo ay soo qabteen ciidanka Sirdoonka iyo Nabadsugidda Qaranka Soomaaliyeed ee “NISA” waxaana saraakiisha hay’adda Nabad Sugidda Qaranka ay sheegeen inay ku socoto baaritaanno, isla markaana goordhaw sharciga la horgeyn doono.
Afhayenka Wasaaradda Amniga Qaranka Maxamed Yuusuf Cismaan oo la hadlay Warbaahinta ayaa sheegay in Xasan Xanafi uu soo maleegay shirqoolo dhowr ah oo lagu dilay wariyeyaal ay ka mid yihin Allaha u naxariistee Mahad Axmed Cilmi, Sheekh Nuur Maxamed Abkey, Saciid Tahliil, Muqtaar Maxamed Hiraabe iyo Suxufiyiin kale oo badan.
