Ciidamada Nabad sugidda iyo sirdoonka Qaranka ee (NISA) ayaa soo bandhigay xalay dhagarqabeย Maxamed Ibraahim Xasan oo ahaa Darawalkii Waday Gaarigii dhowaan lagu qarxiyey Afaafka Hore ee Dakadda Magaalada Muqdisho oo ay dad badani ku dhinteen.
Related posts
Dhagar-qabe Maxamed oo ka sheekeeyay qaabkii loo soo abaabulay Qaraxaas ayaa sheegay in ay ahaayeen Shabakad ka kooban ilaa 6 Qof oo wadatayna laba gaari oo kala ah midka qarxay iyo midkale oo nooca raaxada ah.
โWaxaan ahaa Darawalkii Waday Gaariga ku Qarxay Dekadda Muqdisho ,waxuuna qorshuhu ahaa ย in aan gaariga ku qarxiyo Albaabka Hore ee Dekadda kadibna gaari kale ee nooca raaxada ah oo ay saaranyihiin 5 Nin oo hubeysan ย in ay gudaha u soo galaan Dekadda, hasa ahaatee Inta aan lagaarin xiliga qaraxa uu dhacayo habeenkeedii ayaan ka laabatay goโaanka ah in aan is dilo , waxaana sameeyay si aysan ii fahmin 5 kale ee howlgalkan ila waday ayaan gaarigii soo waday Habeenkii waxaana dhigay goobta uu ku qarxi doono subaxiiโayuu yiri Dhagar-qabae maxamed
Dhagar-qabe Maxamed oo hadalkiisa siiwata ayaa intaas kudaray in gaariga uu habeenkaasi goobta ย ku waabariistay Marka lagaarayna subaxii halkaasi uu ku qarxay.
โGaariga habeenkaasi waxaa uu ku baryay meel aan sidaas uga fogeen oo ah meesha subaxii uu ku qarxi doono, anigoo ka baqaya in la iqabto ayaan ka soo baxsaday goobta uu qaraxa ka dhacay waxaasa iga daba yimid Ciidamada Amaanka oo hada aan gacantooda kujiroโayuu yiri dhagar-qabe Maxamed Ibraarim Xasan.
Taliyaha Ciidamada Nabadsugida Gobolka Banaadir Maxamed Xasan Faarax oo loo yaqaano (Faran-Far) ayaa sheegay in dhagar-qabahan laga soo qabatay Deegaanka Labar Konton Islamarkaana ay ku daba jiraan dhagar-qabayaashii kale ee shabakadaasi qeybta ka ahaa.
โCiidamada NISA oo Isticmaalaya Tignoolajiyada Casriga ah ee lagu baaro Qaraxyada iyo daba-galka ayaa gacanta ku soo dhigay dhagarbe Maxamed Ibaraahim Xasan oo lagu daba jiray waxaana laga soo qabatay Deegaanka Labar Kontan ee Gobolka Shabeelaha Hoose iyadoo Ciidamada Amaanka ย ay ku daba jiraan dhagar-qabayaashii kale ee kula jiray howlgalkaasi Fashilmay.
Qaraxan oo dhacayย 11/Dec/2016 Xili Subax Hore ah ayaa sababay dhimashada ku dhawaad 50 qof oo shacab ah iyo dhaawaca Lixdameeye kale.
