Hay’adda Maareynta Musiiboyinka Qaranka Soomaaliyed ayaa maanta 1,000 Qoys oo danyar ah, kuwa qaba baahiyaha gaarka ah iyo barakacyaal deeganadoodii ay ka soo barakicisay fatahaadaha iyo daadadka EL-NIÑO waxa ay gargaar ugu qaybisay banaanka degmada Afgooye ee Gobolka Shabeelaha Hoose.
Gargaarkan ayaa ka kobnaa qaybaha kala duwan ee raashinka, qoysaskii Gargaarkaan ka faa’iideeystay ayaa u mahadnaqay Hay’adda Maareynta Musiiboyinka Qaranka iyo hay’adda Bisha Cas Turkiga oo mucaawinadan hore hay’adda ugu deeqday.
Goobta lagu qaybinayey Gargaarkaan ayaa waxaa goobjoog ka ahaa Guddoomiyaha degmada Afgooye Cabdullaahi Cismaan Hiraabe, Agaasimaha Waaxda Gargaarka Hay’adda SoDMA Sahra Cali Yuusuf iyo isku duwaha arrimaha Gargaarka Gobolka Shabeelaha hoose Maxamed Yuusuf Maxamed.
