Hay’adda Maareynta Musiiboyinka Qaranka Soomaaliyeed ayaa maanta Xaafada Weydow ee degaanka Garasbaaley waxa ay gargaar ugu qeybisay 3,000 (Saddex kun) oo Qoys oo isugu jira Dad danyar ah, kuwa qaba baahiyaha gaarka ah iyo dad barakacyaal ah oo hore Gobolada wadanka uga soo barakacay colaado iyo Abaaro.
Gargaarkaan ayaa isugu jira qeybaha kala duwan ee raashinka, waxaana dadkii ka faa’iideystay u mahadnaqeen hay’adda SoDMA, iyadoo madasha raashinka lagu qeybinayay ay goob joog ka ahaayeen xubno ka tirsan Hay’adda Maareynta iyo Musiibooyinka Qaranka.
Qaar ka mid ah dadkii loo qeybiyay deeqda raashinka ah ayaa ka mahadceliyey deeqda la soo gaarsiiyay, taasi oo ay ku tilmaameen inay baahi weyn u qabeen raashinka.
