Tartanka kubadda cagta ee ciyaartoyda da’yarta kooxaha heerka koowaad oo si habsami leh uga socda garoonka Banaadir Stadium ee degmada C/casiis,waxaana shalay halkaasi kulan adag ku dhexmaray cayaartooyda Dekedaha iyo Heegan oo goobta ku soo bandhigay cayaar wanaag inta uu tartanku socday.
Naadiga Heegan ayaa gaartay kama dambeysta tartanka da’yarta kooxaha heerka koowaad. markii ay shalay tartankaas ka reebtay Naadiga Dekedaha.
Kulankan oo ahaa mid adag ayaa waqtigii loogu tala galay ciyaarta ku soo dhammaatay 2-1 oo ay ku adkaatay kooxda heegan oo sidaa ku gaartay final-ka tartanka ciyaartoyda da’yarta kooxaha heerka koowaad.
Galabta ayaa waxaa garoonka Banaadir ku balansan da’yarta kooxaha Horseed iyo Elman oo ka mid ah ka qeyb galayaasha tartanka junyarka kubadda cagta,waxaana tii soo badisa ay foodda is dari doonaan maalinta Jimcaha naadiga heegan.
