Magaalada Cape Town ayaa maalmihii la soo dhaafay waxaa ka socday kulamo ay wada yeelanayeen Soomaalida iyo dadka deegaanka phillippy kaas oo ku saabsanaa xalinta dhibaatada loo geystay ganacsatada Soomaaliyeed oo hantidooda la boobay, guddi 10 xubnood ka kooban oo labada dhinac ah ayaa loo xilsaaray xal u helidda arrinta.
Shaqaaqada ka dhacday bariga xaafadda phillippy oo isla markaana lagu boobay hantida Jaalliyadda Soomaaliyeed ayaa sidoo kale waxaa rabshadaasi intii ay socotay waxaa ku geeriyooday gabar u dhalatay dalka Koonfur Afrika.
Qaar kamid ah xubnaha loo xilsaaray xalinta dhibaatadan oo la hadlay warbaahinta Qaranka ayaa rajo wanaagsan ka muujiyay in ay ku guuleysan doonaan xalinta dhibaatada soo gaartay Soomaalida ku dhaqan halkaasi.
Ugu dambeyntii ayaa gudigii labada dhinaca ahaa waxaa uu soo saaray in ganacsatada Soomaaliyeed ay dib ugu laabtaan goobihii ay ku ganacsan jireen taa bedelkeedana waxaa Soomaalida laga rabaa in ay bixiyaan Magta gabadha ku dhimatay rabshadii ka dhacday bariga xaafadda phillippy ee magaalada Cape Town.
