Shir maanta Magaalada Muqdisho ay ku yeesheen madaxda hey’adaha hoostaga ururada bulshada rayid ah ayaa waxa ay ku magacaabeen guddoomiye cusub oo hogaanka u heyn doona mudo labo sano ah.
Guddoomiyaha cusub oo lagu magacaabo Sahro Cumar Maalin ayaa xilka kala wareegtay Khadiiyo Cabdulaahi Maxamed.
Sahro Cumar Maalin Guddoomiyaha cusub oo la hadashay warbaahinta Qaranka ayaa sheegtay inay ku faraxsan tahay hogaaminta ururada bulshada rayid ah iyada oo intaasi raacisay in waxqabad dhab ah ay la imaan doonto.
Hey’adahani ku jira ururada bulshada rayidka ah ayaa midba mar waxa uu qabtaa mudo labo sano ah waxaana gudoomiyihii ugu horeeyey ee ururada bulshada rayid ka ah uu ahaa C/qaadir Ibraahim Gacal Abkow.
Shirka lagu doortay hogaankani cusub ayaa markii uu soo dhamaaday kaddib waxaa la hadlay Warbaahinta Qaranka C/qaadir Ibraahim Gacal Abkow ayaa doorashadii maanta in ay ka dhigantahay dar dargalinta howlaha bulshada rayidka ah.
