Hay’adda CISP ayaa Galkacyo ka bilowday Mashruuc lagu dayactirayo xarumo Waxbarasho “Sawiro”
Mashruucaan oo isagu qeyb ka ah mashaariic la doonayo in lagu hagaajiyo qaar ka mid ah xarumaha waxbarashada ee ku yaala deegaanada Galmudug ayna iska kaashanayaan wasaaradda waxbarashada Dowlad Gobaleedka Galmudug iyo Hay”adda CISP oo ah hay”ad laga leeyahay dalka talyaaniga isla markaana ka shaqeeysa arimaha horumarinta adeegyada waxbarashada ayaa maanta si rasmi ah uga bilaawday magaalada Galkacyo
dayactirka dugsiyada waxbarashada.
Wasiirkii hore ee wasaaradda waxbarashada Galmudug mudane Maxamed C/qaadir Xaashi haatana ka mid ah mudanayaasha barlamaanka Galmudug oo mashruucaani daah furay ayaa sharaxaad ka bixiyay tirada xarumaha la
dayactirayo ee ku yaala magaalada Galkacyo isagoona sheegay in ay yihiin ilaa todobo xarumood
Xildhibaan Maxamed C/qaadir Xaashi ayaa dhanka kala sheegay in mashruucaani fulintiisa ay iska kaashanayaan hay”adda CISP wasaaradda waxbarashada Galmudug iyo kambaniyada dhismaha ee Glopal iyo Xasan Cali oo ah laba kambani oo ka shaqeeya howlaha dhismaha
Mashruucaan ayaa qeyb ka ah mashaariic horumarineed oo la xariira dhanka waxbarashada isla markaana horay ay usoo wadday wasaaradda waxbarashada Galmudug ka hor intii aan maamulka Galmudug si rasmi ah ugu baahin Goballadda Mudug iyo Galguduud.
Sawir qaade C/risaaq Maxamed Axmed
