Hay’adda xaquuqul Insaanka ee Human Rights Wathch ayaa dowlada Macedonia ku eedeeysey jirdil la sheegay in askarteeda u geystaan dadka qaxootiga ah ee doonaya inay galaan dalalka Midowga Yurub.
Wadanka Macedonia ayaa ah dalka labaad oo ay dadka qaxootiga ah sii maraan marka ay ka soo baxaan dalalka Turkiga iyo Giriiga, waxaana maalmihii la soo dhaafay ciidamada ilaalada xaduudaha ee dalkaasi jirdil u geysteen qaxootiga oo ay ku jiraan dad waayeel ah iyo caruur.
Warbixin ay shalay soo saartay hay’ada Human Rights Watch ayaa lagu sheegay in ciidamada Macedonia ee ku sugan xadka uu dalkaasi la wadaago Giriiga ay jirdil iyo aflagaaddo joogto ah ku hayaan dadka qaxootiga ah.
Tiradii ugu badneyd ee qaxooti ah yaa wadankaasi gala si ay uga sii gudbaan waddamada kale ee Midowga Yurub, si ay u helaan nolol dhaanta tii ay ka soo carareen.
