Howlgal ballaaran ayay ciidamada dowlada iyo kuwa AMISOM ka bilaabeen waddada laamiga ah ee isku xirta degmooyinka Beledweyne iyo Buula barde ee gobolka Hiiraan.
Ciidamada dowlada iyo kuwa Itoobiya ayaa saaka u dhaqaaqay dhinaca deegaanada Halgan iyo degaanka Garasyaani,waxaana la socdo qaar kamid ah odoyaasha dhaqanka ee gobolka Hiiraan oo dhiirri galinaya howl-galka.
Wararka laga helayo deegaanka ayaa shegaya in ay iska baxeen meleeshiyaadkii Al-Shabaab ee ku sugnaa agagaarka Halgan iyo Garasyaani, dadkana u sheegeen in ay deegaanada iskaga baxaan, iyagoona ugu hanjabay in ciddii ku hartaa ay kamid tahay cadawgooda.
Dhulkaan ayaa ah mid buuralay ah uu laamigana uu hoos maro,iyadoona la sheegay in waddada laamiga ah ay jareen kooxda Al-Shabaab si aysan u marin gaadiidka dagaalka ee ay wataan ciidamada dowlada iyo kuwa AMISOM.
Howlgalkaan ayaa mudooyinkaan la hadal hayay waxaana uu u muuqdaa mid ka duwan kuwii hore maadaamaa ay raaceen odoyaal dhaqameed caan ka ah magaalada Beledweyne aqoone u leh dadka iyo deegaanka loo socdo.
