Wasiirka Biyaha iyo degaanka ee Dowlad Goboleedka Hirshabeelle, Shuceyb C/kariin Muumin, ayaa sheegay in ay Dowladda Federaalka Soomaaliya diyaar u tahay in ay gacan ka geysato, wax ka qabashada dhibaatooyinkii ka dhashay fatahaadda Webiga iyo sidii dayactir loogu samayn lahaa Biyo xireenka Sabuun ee Magaalada Jowhar.
Mudane; Shucayb, ayaa sheegay in ay Dowladda dhexe u soo dirtay Shacabka reer Hirshabeelle wafdi ka socda, Xafiiska Raโiisul Wasaaraha, Wasaaradaha,Kheyraadka Biyaha, Beeraha,qorsheynta, gargaarka iyo xubno ka socday hayโadda Muslim Aid, si ay Indha-indhayn ugu sameeyaan Beerihii ay Biyaha jareen iyo Dadkii ay dhibaatadu soo gaadhay.
Related posts
Wasiirka oo u warramayay Warbaahinta Qaranka ayaa sheegay in waxyeellada ugu badan ay soo gaadhay Beeralayda yar-yar oo xilliyadii uu Webiga marnaa Gacntooda ku waraabiyay dalagyadii u beernaa, haatanna ay Biyaha webiga baabiโiyeen.
Wuxuuna Shacabka iyo inta awoodda u lehba ugu baaqay in laga qeyb qaato wax ka qabashada saamaynta ka dhalatay fatahaaddii Webiga Shabeelle iyo wax u qabashada Dadkii ku waxyeelloobay oo intooda badan ka bara-kacay Tuulooyinkii ay deggenaayeen.
