Madaxweyne ku xigeenka maamulka Hirshabeelle Cali Xuseen Guuldlaawe oo Warbaahinta kula hadlay magaalada Jowhar ayaa sheegay in loo baahanyahay in maleeshiyaadka Al-Shabaab lagala soo horjeesto dagaal xoogan, kaas oo ay ka qaybqaadanayaan shacabka deegaanada Hirshabeelle.
Cali Xuseen Guudlaawe ayaa wuxuu sheegay in Al-Shabaab dhibaato badan ay ku haayaan shacabka, sidaasi darteedna loo baahanyahay in Shacabka ay gacan siiyaan ciidamada ammaanka.
Wariyaha warbaahinta qaranka ee gobolka Shabeelaha dhexe, Abukar Maxamed Bacaadle, ayaa qaar kamid ah bulshada magaalada Jowhar la hadlay kuwaas oo soo dhaweeyay howlgalka lagu qaadi doona Alshabaab.
Gobolka Shabeelaha dhexe ayaa qeybo kamid ah waxaa ku sugan maleeshiyada Alshabaab oo wali dhibaato weyn ku haya dadka deegaanka.
