Saraakiil ka tirsan kooxda Daalibaan ayaa shaaca ka qaaday maanta oo Arbaca ah in Taliyihii Militariga Daalibaan ee magaalada Kabul, Xamdullaah Mukhlis, uu u dhintay dhaawac ka soo gaaray weerar ismiidaamin ah oo lagula beegsaday agagaarka Isbitaal ay lahayeen Militiriga oo ku yaallay bartamaha magaalada Kaabul.
Mid kamid ah dadka ka badbaaday Qaraxa oo u warramayay wakaaladda wararka ee France-Presse ayaa yir: “Weerarka waxaa fuliyay qof is miidaamiyay oo watay mooto, kaas oo isku qarxiyay albaabka isbitaalka ”.
Warar ay baahiyeen kooxda Daalibaan ayaa lagu sheegay in weerarka ay geeystee Rag hubeysan oo ku labisnaa dharka shaqaalaha caafimaadka Isbitaalka uu Qaraxa ka dhacay.
Balse mas’uuliyadda Qaraxan ayaa waxaa sheegatay kooxda Daacish, iyaga oo intaa ku daray in halkaas ay ku dileen mas’uuliyiin badan oo katirsan kooxda Daalibaan.
