Hoos u dhaca ku yimid qiimaha kalluunka suuqyada magaalada Muqdisho waxaa sabab u ah cimilada badda oo deggan islamarkaana suurtagal ka dhigtay in kalluumeysatadu ay soo jillaabtay xaddi badan oo kalluun ah.
Halkii kiilo oo kalluun ah ayaa maanta la kala siisanayay 46000 Sh/ So. halka malmo ka hor ay kiiladii kaluun ah ahyed 92000 Sh/ So, taasoo muujineysa in uu jiro hoos u dhaac mug leh.
Related posts
Suuqa kalluunka ee degmada Xamarweyne ayaa maanta ka duwanaa xiliyadii hore, waxaana halkaasi ku sugnaa dadweyne farabadan oo daneynayay iibsiga kalluunka, maaddaama uu qiimihiisu aad uga jabanyahay waqtiyadii hore sida ay tilmaamayaan qaar ka mid ah ganacsatada sida joogtada ah kalluunka ugu iibisa suuqaasi.
Sidoo kale hoos u dhaca ku yimid qiimaha kalluunka suuqyada Muqdisho ayaa laga dareemayaa goobaha lagu iibiyo cuntooyinka sida maqaayadaha, iyadoo suuqyada kale ee magaalada lagu arkayo kalluun farabadan oo lagu iibinayo kaasoo qiimihiisu aad u jabanyahay.
Sanadihii u dambeeyay ayaa dadka Soomaaliyeed ku soo baraarugeen cunista iyo ka ganacsiga Kalluunka, waxaana muddooyinkan ku soo kordhayay Muqdisho goobaha lagu iibiyo kalluunka, iyadoo ay jiraan shirkado si gaar ah uga ganacsada, kuwaasoo qeyb ahaan u dhoofiya waddamada dibadda..
ย
