Degmada Shangaani ee Gobalka Banadir ayaa waxaa Caawa ku dumay Dhisme laba Dabaq ah oo ay daganaayeen Dad shacab ah ,waxaana halkaas ka dhashay dhimashada labo qof oo uu ku jiro Ilmo yar .
Ciidamadda Booliska iyo Kooxaha Gormadka Deg Dega ee Gobalka Banadir oo halkaas gaaray ayaa dhismaha Hoostiisa ka soo saaray meedadka Ilmo yar iyo Hooyadiisa ,waxeyna sidoo kale ku guuleesteen in halaas ay ka soo saaraan Afar qof oo bad qaba .
Agaasimaha Waaxda Gurmadka Deg Dega ee Gobalka Banaadir Mudane C/laahi Maxamed Sanay ayaa War-baahinta Qaranka u sheegay in meeshaas caawa ay ka dhacday dhibaato xun ayna ka soo saareen dhismaha dumay hoostiisa Meedka Hooyo Magaceeda lagu sheegay Xabiibo iyo Cunug yar ay Dhashay,islamarkaana ay Dad kale oo bad qaba ay halkaasi ka soo saareen .
“Cawa meeshan waxaa ka dhacday mashaqo Xun waxaana soo dumay Dhisme laba dabaq ah waxaana ka dhashay dhimashada Ilmo Yar iyo Hooyadii oo jiifay guriga, waxaana sidoo kale ka soo saarnay dhismaha Afar bad qabta, “
Agaasimaha Waaxda Gurmadka deg dega ayaa sidoo kale sheegay Dhismaha Dumay cawa in uu ahaa Gurigii Madbacadda Qaranka Soomaaliyeed ee ku yaalay Degmada shangaani ee Gobalka Banaadir.
