Wararka naga soo gaaraya deegaanka Basra oo 18-KM dhinaca koofur kaga beegan degmada Balcad ee Gobalka Shabeellaha Dhexe ayaa sheegaya howlgal qorshaysan oo laga sameeyay in lagu laayay maleeshiyaad badan oo ka tirsan Argagixisada Al-Shabaab.
Related posts
Howlgalkaan oo ahaa mid aad u qorshayn ayaa xalay saqdii dhexe laga fuliyay deegaankaan waxaana Maleeshiyaadka lagu laayay ka mid ah Horjooge magaciisa lagu soo koobay Macalin Daahir oo Argagixisada u qaalbilsanaa degmada Balcad iyo deegaanada Hoostaga, sida uu ogaaday Radio Muqdisho.
Horjooge Cabdiraxmaan Abuu Salmaan oo asna Al-Shabaab u qaabilsanaa dhinaca xukunada lagu boobo, laguna laayo shacabka iyo ku dhowaad 10-kale oo Maleeshiyaad ah ayaa Goobta lagu laayay.
Dhanka kale War kooban oo Hay’anadda Nabad Sugidda iyo Sirdoonka Qaranka ee NISA la soo dhigay barta ay ku leedahay Twitter-ka ayaa lagu sheegay in goobta uu ka dhacay howlgalkaanย lagu Abaabulay weerar Argagixisadu ay doonayeen inya ku dhibaateeyaan Shacabka.
Sidoo kale NISA ayaa shaacisay in Horjoogihii Al-Shabaab ee ugu sareeyay ee halkaasi ku sugnaa Gacanta lagu soo dhigay.
Ciidanka gaarka ah ee howlgalkaan fuliyay ayaa waxay ku guulaysteen in ay siidaayaan in ka badan 20-qof oo Shacab Masaakiin ah oo Al-Shabaab xoog ugu afduubnaa oo ay ku haysteen goobta uu howlgalka ka dhacay.
Qaar ka mid ah dadka deegaanka oo la hadlay Radio Muqdisho ย ayaa inoo xaqiijiyayย in Horjoogayaasha kala ah Macalin Daahir iyo Cabsiraxmaan Abuu Salmaan ay dhibaato badan ku haayeen dadka.
