Waxaa gelinkii dambe ee maanta dib loo furay Hotel Afrik ee magaalada Muqdisho, kaasi oo 1-dii bishan ay weerar ku qaadeen dhagar qabayaal ka tirsan maleeshyada Al-Shabaab, halkaasi oo ay ku dileen dad shacab ah.
Maamulka Hotelka ayaa sheegay in dib u dhis iyo dib u habeen lagu sameeyay Hotelka, isla markaana aysan dhaq jalaq u siin doonin dhagarta ay maleegayaan maleeshiyada Al-Shabaab oo caado ka dhigatay inay bur buriyaan goobaha ganacsiga.
Maamulka ayaa qeybhaa kala duwan ee bulshada ugu bishaareeyay in markale dib loo furay hotel Afrik, ayna ku soo dhaweynayaan gacmo furan.
Hotel Afrik ayaa ka mid Hotellada Muqdisho ugu casrisan, kaasi oo ay bulshada qeybaheeda kala duwan ku kulmaan.
Weerarkii wuxuushnimada ahaa ee ay Al-Shabaab ku qaaday Hotelka, waxaa ku dhintay shan qof oo labo ka mid ah ay ahaayeen lamaane aroos ku wada jira iyo Jeneral Maxamed Nuur Galaal oo kaalin mug leh ka soo qaatay dib u dhiska ciidamada qalabka sida.
