Howlgal ay si wadajir ah isaga kaashadeen Ciidamada dowladda Soomaaliya iyo kuwa AMISOM ayaa ka dhacay xalay deegaan lagu magacaabo Buur kooy oo ka tirsan gobolka J/hoose.
Afhayeenka Ciidamada AMISOM Joe Kibet oo la hadlay Warbaahinta Qarankaayaa sheegay in ay howlgalkaasi qasaare ballaaran ugu gaysteen Maleeshiyaadka Al-Shabaab, islamarkaana ay ka dileen saddax argagixiso oo ka tirsan kooxdaasi.
Afhayeenka oo hadalkiisa sii wata ayaa yiri “ Ciidamadeenna oo ay isgarabsanayaan Ciidamada Dowladda Soomaaliya ayaa si xeeladaysan u Qorsheeyay Fulinta iyo ku guulaysiga howlgalkaasi, waxaanan sii wadi doonaa in aan ka ugaarsanno goob kasta oo ay ku sugan yihiin nabad diidka hor taagan Mustaqbalka dalka iyo dadka Soomaaliyeed”
Muddooyinkan danbe waxaa socday howlgallo ka dhan ah Maleeshiyaadka Al- Shabaab, kuwaasi oo ujeedadoodu tahay in dalka looga sifeeyo haraadiga wali ku dhuumaalaysanaya qaar ka mid ah gobollada dalka.
