Howlgalkani xalay ilaa saakay ciidamada Qalabka sida iyo kuwa midowga Africa ee Amisom ay ka sameeyeen xaafadaha degmada Wadajir ee gobolka Banaadir ayaa ahaa mid lagu xaqiijinayay Nabadgelyad, iyadoo ciidamadu mid mid u baarayay guryaha ku yaalla xaafadaha degmadaasi.
Xaafadaha Ciidamada sida wada jirka ah howlgalka ay ugu fuliyeen ayaa waxaa ka mid Xaafada Nasteexo, siligii Ameerikaanka ee Degamada Wadajir ka tirsan iyo xaafada kale oo ka tirsan Degmadaasi, waxaana lagu soo qabtay dad la tuhmayo in ay ka tirsan yihiin maleeshiyaadka UGUS, inkastoo howlgalku uu u muuqday mid Ciidamada xoga ay ka heleen dadka shacabka ay ku howlgalayeen.
Related posts
Afhayeenka Wasaaradda AmigaGudaha Maxamed Yuusuf Cismaan oo Warbaahinta Qaranka la hadlay howlgalka kaddib Saakay ayaa sheegay in u jeedka howlgalka uu ahaa xaqiijinta nabadgelyada caasimadda, waxaana uu intaa ku daray inay sii wadayaan howlgallada noocaani oo kale ah ee lagu xaqiijinayo amniga.
Howlgalkii xalay ayaa waxa uu ahaa mid loogu kuurgalayay xaaladda amni ee caasimadda, si looga hortago dhagarta ay shacabka u malegayaan maleeshiyaadka kooxda argagaxisada Gumaadka umadda Soomaaliyeed Ee UGUS laguna xaqiijinayo guud ahaan Nabadgelyada Degmooyinka gobolka Banaadir.
