Ciidanka Xoogga Dalka ayaa iska caabbiyay weerar argagixisada Al-shabaab ay ku soo qaadeen deegaanka Ceel Saliini oo hoostag Aw-dheegle,iyagoo cadowga gaarsiiyay khasaare dhimasho iyo dhaawac.
Saraakiil ka tirsan ciidanka Xooga Dalka ayaa warqaabinta Qaranka u xaqiijiyay in ciidanka ay jab xooggan gaarsiyeen maleeshiyaadkii ka tirsanaa argagixisada Alshabaab,kuwaasi oo isku dayay in weerar arbushaad ah ay halkaasi ku soo qaadaan,balse ciidamada oo ka feejignaa ay dharbaaxsho militari ku dhufteen,waxaana halkaasi ka soo gaaray nabadiidka Shabaab khasaare xoogan.
Deegaanka Ceel Saliini ayaa waxaa si buuxda gacanta ugu haya Ciidanka Xoogga Dalka Soomaaliyeed,iyagoo galkaasi ka wada howlgalo lagu baacsanayo kooxihii weerarka soo qaaday,islamarkaana ku raad jooga goobihii ay weerarkaasi ka soo abaabuleen.
Tani ayaa waxaa ay qeyb ka tahay astaamaha muujinaya in awoodii koxda Shabaab ay sii burburayso,islamarkaana u soo biyo shubteen in shacabka ay si dhuumaalaysi ah ay ku dhibaateeyaan iyo qaraxyo arxan dari ah,taasi oo dhanka kale dhalisay kacdoon dadweyne oo laga dareemay qaar kamid ah gobolada dalka.
Shacabka ay afduubka ku hayaan Shabaab ayaa siweyn u soo dhaweeyey islamarkaana taageero u muujiyay guulaha isdaba jooga ah oo ay wadaan ciidanka xoogga dalka Soomaaliya,kuwaasi oo Alshabaab ka saaray deegaano badan oo ka mid ah gobolada Koonfurta iyo bartamaha Soomaaliya,bilihii ugu dambeeyey.
