:-Ciidanka Xoogga Dalka Soomaaliyed gaar ahaan Urarada 46-aad iyo 47-aad ee Guutada 8-aad qeybta 60aad ayaa xalay howlgal qorsheysan oo ay ka fuliyeen deegaannada kala ah Sarmaan Dheere iyo Mooro Bus-Bus ee Gobalka Baay ku khaarajiyay horjoogayaal iyo Maleeshiyaad ka tirsan Khawaarijta.
Horjooge Cabdullaahi Aliyow iyo Ahmed Najiib Cabdisalaan ayaa kamid ah khawaarijta lagu laayay howgallada qorshaysan ee ka dhacay gobolka Baay ee dowlad gobolleedka Koonfur Galbeed.
Maleeshiyaadka ayaa lacago baad ah ka qaadi jiray deegaannadan iyo waddooyinka isku xira gobollada Baay iyo Gedo, iyadoo laga furtay hub-kii ay shacabka ku dhibaateyn jireen.
Dadka ku dhaqan deegaannadaas iyo kuwa isticmaala waddooyinka isku xira Baay iyo Gado ayaa soo dhaweeyey howgalkan, iyagoo sheegay in maleeshiyaadkan shacabka ka qaadi jireen lacago baad ah.
