Ciidamada kumaandooska Soomaaliya oo taageero ka helaya Ciidamo Mareykan ah ayaa howlgal qorsheysan oo duqeyn ah ka fuliyay magaalada Buโaale ee Gobolka Jubbada Dhaxe.
Taliyaha qeybta 43aad ee Ciidanka Xoogga Dalka Jeneral Cali Maxamed Maxamuud (Bogmadow) oo la hadlay Idaacada Ciidamada ayaa sheegay in 17-dii bishan ay ciidamada Danab iyo kuwo Mareykan ah ay weerar duqeyn iyo mid dagaal ka fuliyeen gudaha magaalada Buโaale ee Jubbada dhaxe.
Jeneral Bogmadow ayaa waxa uu sheegay in weerarka uu si gaar ah uga dhacay xarunta Idaacadda Andaluus oo ku hadasha Afka kooxda Al-Shabaab, isagoo sheegay in halkaas lagu dilay 15 Xubnood oo ka tirsan Nabadiidka Al-Shabaab iyo Afar wariyaasha Al-Shabaab ah, islamarkaana qalabkii Idaacadda lagu bur buriyay weerarka duqeynta iyo dagaalka isugu jiray ee halkaasi laga fuliyay.
Ciidamada ammaanka ayaa howlgallo ka dhan ah argagixisada kawada qaar ka mid ah Gobollada Dalka, iyagoo ku khaarajiyay horjoogayaal iyo maleeshiyaad ka tirsanaa Kooxda Al-Shabaab.
