Xidigle NISAย Maxamed Cabdiraxmaan Cali ayaa loo heystaa dilka Marxuumad Sacdiyo Khaliif Faarax oo aheyd Xaaskiisii hore, dilkaas oo ka dhacay degmada Yaaqshiid taariikhdu markey aheyd 19-12 sanadkii tegay.
Related posts
Xidigle NISAย Maxamed Cabdiraxmaan Cali iyo Marxuumad Sacdiyo Khaliif Faarax ย ayaaย horey u ahaa qoys balse mar dambe ayay kala tageen, wixii xilligaas ka dambeeyay ayay u baxday dhanka Doolow oo ay deganaayeen eheladeeda.
Muddo kadib ayay soo noqotay waxa ayna guurstay nin kale, Xidigle NISAย Maxamed Cabdiraxmaan Cali ayaa isna dadaal ugu jiray sidii uu markale u heli lahaa xaaskiisii hore, waxa uu isticmaalay xeelado kala duwan oo uu ku heli karo markale, waxa uuna ogaaday in ay reer kale leedahay.
Halkii ay daganeyd ayuu ugu tegay isagoo isku dayay in uu xoog ku soo kaxeysto, balse dadka deegaanka iyo ninkii qabay ayaa ku soo baxay, waxa uuna goโaansaday in uu dhaafiyo nolosha isagoo ku dilay Toorey (Mindi).
Ciidamada Amniga degmada Yaaqshiidย ayaa isla xilligaas oo aheyd habeenย soo qabtay eedeysanaha, waxa ayna ku wareejiyeen Heyโadda baaristaย dambiyada ee CID.
Baaristooda kadib ayay ku soo wareejiyeen 23 bishaas Xafiiska Xeer-Ilaalinta, waxa ayna codsadeen Xeer-Ilaalintaย in loo gudbiyo xabsiga dhexe si loo soo dhameystiro cadeymaha dambi ee lagu soo eedeeyay Xidigle NISAย Maxamed Cabdiraxmaan Cali.
Muddo kadib ayay codsadeen xafiiska Xeer-ilaalintaย 5- bishan aynu ku jirno, waxaana shan cisha kadib lagu ballamay fadhiga Maxkamadda.
Xafiiska Xeer-Ilaalinta ayaa hor keenay fadhiga Maxkamadda Qiraalka eedeysanaha, markaatiyaal sedax shaqsi ah oo goob joog u ahaa dhacdada, Sawirka Marxuumka, Warqadda Dhakhtarka ee cadeyneysa dhimashada.
Laba xidigleย Ismaaciil Salaad Maxamed oo kamid ah xafiiska Xeer Ilaalinta ayaa ku dooday in eedeysanaha uu u bareeray dilka Marxuumad Sacdiyo Khaliif Faarax, waxa uu sidoo kale fadhiga Maxkamadda ka hor sheegay in eedeysanaha uu dadaal badan geliyay dilka Marxuumadda.
Qareenada u doodayay eedeysnayaha ayaa weydiistay Garsoorka in loo naxariisto eedeysanaha maadaama uu jiray rabitaan uu u qabay xaaskiisii hore.
Ugu dambeyn Garsoorayaasha ayaa goโaan ku gaaray in lagu xukumo Xidigle NISAย Maxamed Cabdiraxmaan Caliย dil toogasha ah oo ah qisaasta Marxuumad Sacdiyo Khaliif Faarax, sida uu u sheegay dhammaan dhinacyada dacwadda Gaashaanle Sare Xasan Cali Nuur Shuute Guddoomiyaha Maxkamadda Darajada Koowaad ee Ciidamada Qalabka Sida.
Xukunsaha ayaa heysta fursad kale oo uu ku dalban karo Rafcaan hadii uusan ku qancin Xukunka Maxkamadda Darajada Koowaad ee Ciidamada Qalabka Side.
