Howlgalkan oo ay magaalada Marka ka sameyeen ciidammada xoogga Dalka ayaa lagu dilay maleeshiyada Al- shabaab ka mid ah iyadoo lagu soo qabtay hubkii ay isticmaalayeen.
Guddoomiyaha Degmada Marka Maxamed Cismaan Yariisow oo u waramay Radi Muqdisho ayaa sheegay in ciidammada xoogga howlgal ay ka sameyeen qeybo ka mid ah magaalada ay ku dileen Labo kamid ah maleeshayaad Al-Shabaab.
Sidoo kale waxay ciidammada gacanta ku dhigeen hub kala duwan sida uu noo xaqiijiyay Guddoomiyaha Degmada Marka.
Yariisow aya intaas ku daray in wali Ciidamada ay baaritaan ka wadaan qeybaha ay ka koobantahay Magaalada Marka, goor dhawna warbaahinta loo soo bandhigi doona natijooyinkii ka soo baxay baaritaanka.
19-kii Bishaan ayaay Ciidammada Xoogga la waregeen Xarunta Gobalka Shabeellaha Hoose ee Marka, waxii waqtigaas ka danbeyayna waxa magaalada ka socday baaritaano lagu bar tilmaameedsanayay goobaha iyo Guryaha ay magaalada kaga dhumaaleysanayaan haraadiga Shabaabka.
