Ciidammada Ammaanka Dowladda Soomaaliya iyo kuwa AMISOM ayaa howlgallo Nabadgelyada lagu xaqiijinayo ka sameeyeeyay Duleedka magaalada Muqdisho, gaar ahaan deegaanka ceelasha biyaha, halkaas oo lagu tuhunsanyahay in ay ku dhuumaalaysanayaan kooxda argagixisada ah ee Al-Shabaab
Wariye Ismaaciil Muqtaar Cumar oo la socday ciidamada baaritaanada waday ayaa soo sheegay in howlgalkaasi uu billowday xalay saq dhexe, kaas oo lagu soo qab qabtay dad gaaraya labo boqol iyo todobo ruux (207) kuwaas oo la isugu keenay goob barxad ah si loo kal saaro kuwa dambiyada lagu tuhmayo iyo kuwa kale ee dambiyada aan la hayn oo ciidammadu ay ka shakiyeen, waxaana dadkaasi laga soo reebay qaar laga shakiyay oo gaaray afar ruux.
Dhanka kale Ciidammada xoogga dalka Soomaaliyeed ayaa howlgal midkan la mid ah waxa ay ka wadaan degmada Afgooye ee Gobolka Shabeelaha Hoose, kaas oo lagu baadi koobayo kooxda Al-Shabaab ee dhibaatada kuhaya Ummadda Soomaaliyeed ee ku nool guud ahaan dalka.
