Taliyaha Ciidanka Booliska Koofur galbeed Soomaaliya Jeneraal Mahad C/raxmaan Aadan ahna Taliyaha qeybta Guud ee Ciidanka booliiska gobolka Baay ayaa sheegay in ay sii laba jibaari doonaan howlgallada ka dhanka ah argagixisada Al-Shabaab, isla markaana ay ka shaqeynayaan nabadeynta degaannada Koofur galbeed Soomaaliya.
Taliyaha ayaa sidoo kale sheegay in ay sii laba jibaarayaan dagaalka ay kula jiraan maleeshiyaadka Al-Shabaab.
Waxa uu tilmaamay in ay ku dadaalayaan sidii Al-Shabaab loogu saari lahaa guud ahaan gobolada Maamulka Koofur galbeed Soomaaliya.
Waxa uu ugu baaqay Shacabka in ay la shaqeeyaan Ciidamada booliiska isla markaana ay kala shaqeeyaan sugida amniga degaanada Koofur galbeed.
Ciidamada Maamulka Koofur galbeed iyo kuwa AMISOM ee ku sugan deganaadaasi ayaa marar badan halkaasi ka sameeyey howlgalo ay kula dagaalamaan maleeshiyaadka Al-Shabaab.
