Ciidamada xoogga dalka qeybta Gobolka Hiiraan ayaa wado qorshayaal lagu dar dar gelinayo howlgallada ka dhanka kooxda argaxisada Al-Shabaab, si dib la isugu furo waddooyinka Gobolka.
Taliyaha guutada 5aad ee ciidanka xoogga dalka, gaar ahaan qeybta Gobolka Hiiraan Korneyl Faarax Cali Waasuge ayaa sheegay inay muhiimtahay sidii wadajir gobolka looga saari lahaa Al-Shabaab, isla markaana laga hortago dhibta ay argagixisadu ku heyso shacabka Gobolka ku dhaqan.
“Waxaaan rajeynaaa oo aan ka dar daarmaaya in la sugo amniga Gobolka oo aan ka tashano sidii deegaannada Gobolka looga ciribtiri lahaa argagixisada, waxaan ciidamada farayaa inay sugaan amniga oo ay si wanaagsan ula shaqeeyaan shacabka, waxaana nagala rabaa inaan dib u furno waddooyinka muhiimka ah ee Gobolka oo aan sugno Nabadgelyada” ayuu yiri.Taliye Faarax Kooshin.
Ciidamada qalabka sida ayaa dhawaan ku guuleystay inay la wareegaan deegaanno horleh oo ka tirsan Gobolka Hiiraan, ayna qorsheynayaan sidii loo joogteyn lahaa howlgallada ka dhanka ah argagixisada.
