Wasiirka Maaliyadda Soomaaliya, Dr. Cabdiraxmaan Ducaale Beyle, ayaa ka qeyb galay aqoon iswaydaarsi ku saabsanaa qorshaha dib u eegista qorshaha Maareynta Maamulka Guud ee Maaliyadda Soomaaliya.
Tababarkan oo uu gacan ka geystay Barnaamijka taakuleynta Farsamo ee Miisaaniyadda Soomaaliya ee Midowga Yurub waxaana ka qeyb galay howlwadeenada qaar ka mid ah waaxyaha wasaaradda, Hey’adaha Maaliyadda iyo dowlad goboleedyada.
Waxaa diirada lagu saaray bandhigada Dib-u-habaynta Qorshaha Maareynta Maamulka Maaliyadda Guud ee saddexda sano ee soo aaddan sida ilaalinta iyo dabagalka hufnaanta Maaliyadda. Horumarinta daqliga, miisaaniyadda dowladda iyo kor u qaadista isla xisaabtanka
Labo maalin uu socday, Agaasimayaasha waaxyaha wasaaradda Maaliyadda waxay ku soo bandhigeen doorkooda hirgalinta Qorshaha dib u habeynta Maamukala Maaliyadda iyo Hirgalinta qorshaha cusub.
Wasiirka Maaliyadda Soomaaliya Dr. Cabdiraxmaan Ducaale Beyle ayaa Howlwadeenada wasaaradda ku dhiiragaliyay ka faa’iidaysiga taakuleynta farsamo ee la siinayo, wuxuuna faray ku xaqiijinta dhaqangalinta shuruucda maaliyadda si dhaqaalaha dalka u soo kobco.
Wasaaradda Maaliyadda Soomaaliya ayaa horumar ka sameysay kor u qaadida dib u habeynta hufnaanta iyo maareynta maaliyadda taas oo keentay Kalsoonida caalamka ee guulaha wadahadala deyn cafinta iyo kor u kaca daqliga dowladda.
