Ku simaha Agaasimaha guud ee Agaasinka Waxbarashada Gobolka Banaadir ahna Agaasimaha Waaxda Hormarinta Tayada Waxbarashada Mudane Axmed Cabdiqaadir Xoosh ayaa maanta soo xiray tababar socday muddo 4-maalin ah, oo ay qaateen howlwadeennada Agaasinka, kaas oo ku saabsanaa Xaqiijinta Tayada Waxbarashada.
Tababarkaan oo lagu xoojinayay sare u qaadidda Tayada Waxbarashada Dugsiyada iyo Goobaha Waxbarashada ee ku yaala Gobalka Banaadir ayaa waxaa maal geliyay Midowga Yurub, iyada oo ay fulinaysay Hay’adda Adan Smith International.
Gabagabadii xiritaanka tababarka, ku-simaha Agaasimaha guud Mudane Xoosh ayaa farey howlwadeennada Agaasinka ee ka soo qeyb galay tababarkaan fulinta iyo dhaqan gelinta cilmiga ay ka faa’iideysteen tababarka, si loo tayeeyo adeegyada Waxbarashada ee uu Agaasinku u hayo Bulshada Gobalka Banaadir.
