Munaasabadaani oo lagu taageerayey Ifraax Macallin Axmed oo u taagan billadda xuquuqda haweenka Africa iyadoo ka wakiil ah haweenka’ Soomaliyeed ayaa waxaa kasoo qeyb galay mas’uuliyiin katirsan labada Gole ee dowldda federaalka Soomaliya, Xeer ilaaliyaha guud ee Qaranka, xubno ka socday maamulka gobalka banaadir iyo qeybaha bulshada fanaaniin iyo mariti sharaf kale.
Ifrax Macallin Axmed oo munaasabada ka hadashay ayaa tiri.
“aniga oo daba galaya xaaladda haweenka yaaan waraystay Madaxweynaha jamuuriyada soomaliyed mudane xassan sheekh si aan wax uga ogaado dhibaatoyinka haweenka ee dalka kajira anigoo jooga yurub marka aan dalka imaaday waxaa isku soo tagay in aan wax ka ogaado tacadiyada loo geysto dumarka”.
Guddoomiyaha Ururka dhallin yarada gobalka banaadir Cabdi kaafi Maxamuud
Makaraan oo lahaa qaban qaabada munaasabadda ayaa tilmaamay in dhallin yarada Soomaliyeed looga baahan yahay in ay ku daydaan doorka ay ifraax ka qaadatay.
“Xilkaas ay usharaxan tahay ifraax waxey inoo tahay farxad weyn
maadama ay ifraax tahay gabar Soomaliyeed oo dhlinyara ah” ayuu yiri guddoomiyaha Dhallinyarada gobolka.
Xildhibaan Axmed Cumar Islow oo xubin ka ah barlamaanka Soomaliya ayaa sheegay in barlamaanka uu diyaar u yahay sidii loo dhiiri galin lahaa dhallin yarada Soomaliyeed ee ka qeyb qaata horumarka dalka iyo midnimada Soomaliyeed.
“Dhawaan inta aan la gaarin sagaalka may waxaan barlmaanka horgeeni doonnaa qaraar lagu taagarayo ifraax macallin Axmed si ay u guuleysato islamarkaana ay kor u sii qaado magaca Soomaliyeed” sidaas waxaa yiri xil Axmed Islow.
Xeer ilaaliyaha guud ee Qaranka Axmed Cali Daahir waxa uu munaasabadasi ka sheegay in xafiiska xeer ilaalinta uu u furan yahay sidii qofkasto oo Soomaliyeed uu xuquuq diisa u heli lahaa.
“Waxbarashada ku da’daala mushtamaca qofkasta oo kamid ah meel ayuu gaara in uu meeshasi gaarana waxaa ka xiga Aqoon aad baan ugu faraxsan sanahay in ifraax ay u taagan tahay billadda xuquuqda haweenka Africa” ayuu yiri Xeer ilaaliyaha guud ee Qaranka.
Wasiir kuxigeenka Wasaaradda haweenka iyo horumarinta xuquuqul aadanaha Muumino sheekh Cumar iyo wasiir kuxigeenka wasasaarada warfaafinta dhaqanka iyo dalxiiska ee xukuumadda Soomaliya Cabdulahi Colaad Rooble ayaa si wada jir ah hambalyo iyo bogaadin ujeediyay ifraax macallin Axmed.
“Waxaan lee yahay waad guuleysatay anaga ka Soomali ahaan ka dowlad ahaan iyo ka shacab ahaan waxaan kuu rajey neynaa guul”ayuu yiri wasiir kuxigeenka warfaafinta,
“Ifraax waan ku taageer sanahay waan ku duceyneynaa waxaana kaa sugeynaa in aad dalka kusoo laabato adoo biladaada sida oo aad magaca
Soomaliyeed iyo calanka aad kor uqaado” waxaa sidaasi yiri wasiirkuxigeenka haweenka.
9 bishan may ee sanadkan ayaa la filaaya in malaagada London ee xarunta dalka Biritin lagu qabto Xaflad bilad lagu guddoon siinayo sadax haween ah oo ka kala socda dalalka gana negeria iyo Soomaaliya oo ay mataleyso ifraax macallin Axmed bilidaasi oo ah bilada xaquuqda haweenka Africa oo sanadkii mar laqabto.
Sawir:-Qaade Nuur Saciid Tahliil
