Madaxwaynaha maamulka Ximan iyo Xeeb C/llahi Cali Maxamed (Baarleex) ayaa maanta soo xiray imtixaanka midaysan ee dugsiyada sare oo sanadkan ay qaadayso wasaaradda waxbarashada, isagoo howlwadeenada imtixaanka ku bogaadiyay howsah ay qabteen.
Maxamed Cabdi Cumar (Isir) oo ka mid ah kormeerayaasha ka socday wasaaradda waxbarashada ayaa sheegay in Imtixaanku si wanaagsan ugu soo gabagaboobay.
Madaxwayne Baarleex ayaa talaabo wayn oo horumar ah ku tilmaamay in 25-sano ka dib Cadaado lagu galo Imtixaan midaysan.
Imtixaanka maanta dhamaaday ayaa soo bilowday 15-tii bishan oo uu magalada Cadaado ka furay wasiirka arrimaha gudaha iyo Federaalka C/raxmaan Maxamed Xuseen (Odawaa).
W/D: Diirshe
