INDIA (Radio Muqdisho) Shilkan ayaa ka dhashay markii ay isku dhaceen labo Train oo rakaab ah gobolka Madhya Pradesh ee dalka India,kaddib markii ay ka baxeen waddada, sababo la xiriira Roobab xoog leh oo muddo 7 saacadood ah ka da’ayay gobolkaasi.
24 qof ayaa ku dhimatay shilka, waxaana ku dhaawacmay 25, halka 300 oo kalena la badbaadiyay, sida lagu sheegay war-saxaafadeed ka soo baxay Dowladda dalka India.
Burburka labada train ayaa dhacay xilli ay isku baasayeen buundo dul marta Wabiga Swollen Majaak meel u dhow magaalada Harda oo qiyaastii 950 km u jirta Caasimadda Delhi.
Afhayeenka qadadka tareenada Anil Seksena oo la hadlay BBC-da ayaa sheegay in daadad waaweyn oo ka dhashay Roobab mahiigaan ah ay sababeen inuu buux-dhaafo wabigu, isla markaana ay istaagaan gaadiidka dadweynuhu.
Wasiirka Tareenada India Suresh Prabhu ayaa boggiisa twinter-ka ku qoray inuu Ammray baaritaan dheeraad ah oo ku saabsan shilka, isla markaana uu maanta warbixin cad horgeyn doono Baarlamaanka dalkaasi.
Ugu dambeyna Ra’iisal Wasaaraha India Narendra Modi ayaa sheegay inuu ka xunyahay dhibaatadii ka dhalatay burburka train-nada, isla Markaana tacsi u diray ehelada dadkii ku dhintay iyo kuwii ku dhaawacmay shilkaasi.
Source: BBCNEWS
by: Dahir Farah Fidow
